14 Jun Инфо сесија за акцелераторската програма во склоп на Ohrid Blue Economy Accelerator
Prime Blue Institute во партнерство со Универзитет за информатички науки и технологии „Св. Апостол Павле“ – Охрид и ГИЗ, одржаа инфо сесија за акцелераторската програма во склоп на Ohrid Blue Economy Accelerator, како и тековниот отворен повик за компании кои нудат иновативни одржливи решенија во областа на сината и зелената економија.
На сесијата беше претставена акцелераторската програма и условите за учество како и можноста за аплицирање во грантовата шема за стартапи во секторите на одржлив развој, производство и логистика, туризам и агрикултура, како и информатичка и комуникациска технологија.
Учесниците имаа можност да добијат одговори на своите прашања дирекно од тимот на Prime Blue Institute како организатори на оваа акцелераторска програма, како и претставници на ГИЗ како организатори на грантовата шема.
Повикот е отворен за аплицирање до 15ти Јуни 2023 г. Регистрирајте ја Вашата компанија и добијте можност за бизнис советување и индивидуално прилагодена тренинг програма за развивање на одржлив бизнис модел, менторство од експерти за финансирање, интернационализација, развој на технолошки решенија, привлекување инвеститор, пристап до пазари и инвеститори.
Повеќе информации на следниот линк: https://theprimepoint.com/newshighlights/повик-за-стартапи-можност-за-пристап-д/
Благодариме на сите учесници и соработници што го направија овој настан успешен. Заедно ја обликуваме иднината со чиста и одржлива економија!
*Акцелераторот за сина економија Охрид го имплементира PRIME BLUE Institute во партнерство сo University of Information Science & Technology “St. Paul the Apostle” – Ohrid, Macedonia.
Програмата е поддржана од проектот #eu4eg, кофинансиран од Делегацијата на Европската Унија (ЕУ) и германското Сојузно Министерство за економски прашања и климатски активности (BMWK). Проектот е имплементиран од GIZ North Macedonia во партнерство со АСП и поддржан од БМВК и Централноевропската иницијатива (Central European Initiative – CEI).